Senin, 11 januari 2010
Apa jar maksudnya khairun manyambat salam badingsanakan di pamulaan tulisan ngini. Jadi jawabanku ‘’sangaja banarai”, karna ulun bingung mamulai wan kata-kata apa yo lah yang cocok gasan pamulaan tulisan ngini, soalanya ulun tiba-tiba ja handak manulis nang manggunakan bahasa banjar. Hehehe, sabalumnya alun mohon ampun maaf wan pian barataan, baredaan lah mun bahasa banjar ulun masih balum sampurna. Biar ulun ni dari urang banjar tapi ulun baru haja bisa bapander bahasa banjar, alhamdulillah 3 tahun pas SMA sakulah di banjarmasin jadi ham saban hari bakomunikasi pakai bahasa ngini jadi bisa jua ai ulun sadikit demi sadikit.
Nah pas samistar ngini ada makul ngarannya English Morphology, nah kami sabarataan dibarii tugas ulih miss Dessy tuk manaliti bahasa salain bahasa Inggris, tasarah ja handak bahasa dairah kadapapa jua, jadi karna ulun tahunya bahasa banjar ja jadi ai ulun manaliti bahasa banjar liwat affixes nya. Nah pian tahu kada tu? Jadi affixes dalam bahasa banjar tu ada jua wal ai, kada usah bahas affixes gen lah, mun pian handak tahu lihat ja laporan ulun kena. Nah pas mancari references ngini ulun tatamu pangatahuan hanyar, tarnyata bahasa banjar tu ada 2: bahasa hulu wan bahasa banua. Nah pian bingung ae ulun, ulun ni bapander pakai nang mana yo lah????
Hanyar-hanyar ni Mr. Masrur mambarii tugas pulang di makul Sociolinguistics. Bahasa Banjar pulang ai nang ulun pilih gasan diteliti liwat solidarity wan politenessnya.
Jadi, dari kadua makul tadi ulun jadi tafikir maulah tulisan pakai bahasa banjar. Kawa ditarima kalu lah alasan ulun ni? Apa gerang nang handak ulun bahas di tulisan ulun kali ni? SALAM BADINGSANAKAN. Nah, ulun katuju banar mamakai kata-kata ini (salam badingsanakan tadi), mun kawa disambat ni sudah jadi kata-kata khas ulun (PiDi banar diang satu ni). Yach, jadi tima kali ni bapander tentang badingsanakan mun bahasa Indonesianya Persaudaraan, dalam agama kita, kita kenal dengan istilah ukhuwah islamiyah.
Ujar urang2, rosul kita suah bapander kalau umat Islam kayak satu awak. Pasti pian sabarataan rancak ja kalu mandangar hadits nang ngini. Hebat banar la sidin nih, nang maolah analogi pas banar. Jadi kita ni sabarataan badingsanakan, wan urang-urang diluar negeri sana mun beagama Islam jua maka mereka dingsanak kita jua. Nah mun kita jalasakan analogi tadi, ulun ulah contoh gin lah, misalnya tangan pian kana lading pasti ai lo ekspresi pian langsung barubah kasakitan, tarus muntung jua reflex manyambat ‘aduh’, nah jadi mun salah satu dari awak kasakitan maka nang lain tu umpat jua sakit, iya kalo? Tapi kanapa yo la sakarang nih, kita kada marasa lagi kalau kita tu badingsanak wan buhan nang di palestina sana, padahal mereka beagama Islam jua. Kasiannya ai buhannya tu, saban hari tasiksa ulih israil Laknatullah.
Ulun suah baca buku wan dipadahi jua, kita umat Islam ni sudah kada marasa lagi kalau kita ni satu awak karna kita sudah befikiran mikir diri sorang ja, bahasa intelektualnya tu individualis (harat banar bahasa ulun ni, kayak urang-urang jua tuh kisahnya, hehe). Tarus jua karna kita marasa kita urang Indonesia lainnya urang palestin makanya ham kita kada merasa dingsanakanya bubuhan palestina n negri islam lainnya, bahasa intelektualnya pulang nasionalis, nah faham nasionalis ngini nang maulah kita-kita berfikiran sempit. Padahal dalam agama kita ada Ukhuwah islamiyah, suatu ikatan nang mangikat kita, jadi kita sabarataan badingsanakan. Contoh nang hanyar-hanyar ini, karena tarian pendet ja Indonesia wan Malaysia jadi takalahi padahal kan 2 negara ini mayoritas Muslim, masa sesama dingsanak bakalahian. Nang parah pulang tarian pendet nang mamparlihatkan aurat kok direbutkan, jelas-jelas ngini kada dikatujui Allah swt wan Rosul saw.
Pian-pian tahu kada kalau sakarang nih kita masih dijajah? Sabagian besar kita kada sadar kalo la? Karna tanpa kita sadari kita ni dijajah. Kita nih dijajah liwat pemikiran (kada kalihatan wan mata pang), babida wan buhannya di Palestine wan negri islam lainnya liwat fisik. Jadi kita nang kekanakan mudanya ni diserang liwat 5F (food, fashion, film, fun, free sex), supaya kekanakan muda islam ngini samakin jumud wan jauh dari agamanya sorang. Bisa ja kalo malihat faktanya sakarang?
Bersambung……….
Saini dulu lah, lain hari disambung pulang.
